«Игътибар-балалар!» – Дәүләт инспекциясе кисәтә

2025 елның 26 маеннан 8 июненә кадәр Татарстанда яшь юл хәрәкәтендә катнашучыларны яклауга юнәлдерелгән масштаблы профилактик акция узачак. Инициатива борчулы статистикага җавап итеп оештырылган: ел башыннан 16 яшькә кадәрге балалар катнашындагы аварияләрдә 2 бала һәлак булган, 104е җәрәхәтләнгән.

Балалар иминлеге өчен чаралар комплексы:

-Балигъ булмаган балаларны йөртү кагыйдәләрен бозуларны ачыклау буенча ЮХИДИ рейдлары

-Машина йөртүчеләрнең җәяүлеләрне үткәрү кагыйдәләрен үтәвенә контрольне арттыру

-Мәктәп укучылары һәм мәктәпкәчә яшьтәге балалар арасында яктылык кайтаргычларны популярлаштыру

-Юл хәрәкәте кагыйдәләрен бозучы балигъ булмаганнар белән профилактик әңгәмәләр, соңыннан мәктәпләргә мәгълүмат бирү

-Автоинспекторларның һәм ата-аналарның балалар куркынычсызлыгы мәсьәләләре буенча уртак җыелышлары

-Җәйге лагерьларда белем арттыру чаралары (юл хәрәкәте кагыйдәләре буенча конкурслар, викториналар)

Һәрбер ата-анага белергә кирәк:

• 7 яшькә кадәрге балаларны бары тик сертификацияләнгән автокреслоларда гына йөртергә

• Белгечләр балага 7 яшь тулгач та махсус тотып тору җайланмаларын куллануны дәвам итәргә киңәш итә

• Караңгы төшкәндә һәм тәүлекнең караңгы вакытында киемдә яктылыкны кире кайтара торган элементларны куллану мәҗбүри

"Балалар-юл хәрәкәтенең иң якланмаган катнашучылары. Аларның иминлеге безнең уртак җаваплылыгыбызга бәйле", - дип ассызыклыйлар ТР Дәүләт автоинспекциясендә.

Ата-аналарга киңәш:

Җәйге каникуллар алдыннан балалар белән кагыйдәләр буенча сөйләшүләр үткәрегез:

* машина юлы аша чыгу

• ишегалларында үз-үзеңне куркынычсыз тоту

• велосипедлар һәм индивидуаль мобильлек чараларын куллану