Яңа Юлда “Һәр йортка Яңа ел” акциясе узды
Яңа ел бәйрәмнәре алдыннан Яңа Юл авыл клубы хезмәткәрләре өлкән яшьтәге ялгыз яшәүче авылдашларына ярдәм итүгә юнәлдерелгән «Һәр йортка Яңа ел» акциясенә кушылдылар.
Акциянең максаты аларга җылы мөнәсәбәт, шатлык һәм Яңа ел кәефе бүләк итү, үзләренең ялгыз түгеллеген һәм аларны онытмауны күрсәтү иде.
Кыш бабай белән Кар кызы төрле сәбәпләр аркасында бу бәйрәмне үзләре генә каршы алган өлкәннәрне якынлашып килүче Яңа ел белән котладылар, бүләкләр тапшырдылар, аларның тормышларындагы төрле тарихларны тыңладылар һәм кайгырту мөхите тудырдылар. Авылдашлары белән күңелле итеп очрашулар үткәрделәр. Өлкәннәр кунакларны шатланып каршы алдылар. Үткәрелгән чара күңел җылысы һәм ихласлык белән тулы булды.
Следите за самым важным и интересным в Telegram-каналеТатмедиа
Нет комментариев