Гимназиядә строй һәм җырлар конкурсы узды

Бу чара стройда әзерләнү һәм музыкаль башкару күнекмәләрен күрсәтеп кенә калмады, ә коллективны туплауга һәм укучылар арасында дуслыкны ныгытуга да ярдәм итте.

Конкурска әзерлек вакыйгага берничә атна кала башланды. Һәр сыйныфка җыр сайларга, строевой адым әзерләргә мөмкинлек бирелде. Конкурс берничә этаптан торды: рапорт бирү, стройга әзерлек, җыр башкару.

Барлык сыйныф укучылары матур, эмоциональ һәм лаеклы чыгыш ясадылар, үзләренең сәләтләрен, Ватанга мәхәббәтләрен күрсәттеләр. Һәркем үзенең иң уңай сыйфатларны күрсәтергә тырышты – максатчанлык, җаваплылык, командада бергәләп эшләү, боерыкларны үтәү, сафта атлау, шулай ук строй җырларын башкару.
Отрядлар җырлап үткәндә, барысын да Ватаныбыз өчен горурлык хисләре биләп алды.