Гимназиядә Дуров бабайның җәнлек театры турында дәрес узды
Район балалар китапханәсе хезмәткәрләре гимназиянең 2 сыйныф укучылары өчен «Дуров бабайның җәнлек театры» дигән тәрбияви дәрес үткәрделәр. Ул рус язучысы Наталья Юрьевна Дурованың тууына 90 ел тулуга багышланды.
Чара башында, ел саен уздырыла торган язгы игелек атнасы кысаларында, китапханәче балаларны яхшылык төшенчәсе белән таныштырды, яхшы кеше нинди сыйфатларга ия булырга тиешлеге һәм кешеләрнең яхшы мөнәсәбәтләргә мохтаҗ булуы турында сөйләде.
В. Л. Дуров һәм оныгы Н.Ю.Дурова театры белән балаларны таныштыру, аларның хайваннарга игътибарлы, сабыр һәм ягымлы мөнәсәбәте цирк артистларының атаклы династиясе традицияләрен саклап калу балаларга игелек үрнәге булып тора, бу гади булмаган һөнәрне үзләштерү өчен никадәр кыюлык, каһарманлык, барыннан да элек, хайваннарга мәхәббәт кирәк.
Балалар цирк турында табышмаклар чиштеләр, пазллар җыйдылар, гәүдә һәм куллар хәрәкәте ярдәмендә цирк геройларын сурәтләп, пантомима уйнадылар. Чара азагында балалар цирк хайваннары-артистлары турында «Аренада беренче тапкыр» мультфильм карадылар.
Следите за самым важным и интересным в Telegram-каналеТатмедиа
Нет комментариев