Экологик сәгать «Кошлар турында нәрсә беләсез?»

Бу ай очраклы гына сайланмаган - нәкъ менә апрельдә канатлы сәяхәтчеләр, барлык каршылыкларны җиңеп, өйләренә, үз ояларына кайта. Россиядә бу бәйрәм элек-электән билгеләп үтелгән - безнең ата-бабаларыбыз нәкъ менә кошларның яз килүен тизләтә алуына ышанганнар, шуңа күрә аларның кайтуын түземсезлек белән көткәннәр. Карлыгачлар оясын туздыру яки сыерчыкларны үтерү җинаять булып саналган. Күпмедер вакытка бәйрәм онытылган иде, ләкин соңгы елларда аның турында кабат искә төшерделәр - бүген кошлар көнендә, канатлы кошлар килүен көтеп, күп кенә торак пунктларда акцияләр уздырыла: сыерчык оялары һәм башка «кош оялары» эленә. 

 Балаларны бу бәйрәм белән таныштыру, шулай ук бәләкәй дусларыбызга һәм ярдәмчеләребезгә игътибарны җәлеп итү, аларның файдасы турында сөйләү өчен, Вахит мәдәният йортында, авыл китапханәсе белән берлектә, Халыкара кошлар көненә багышланган “Кошлар турында нәрсә беләсез?” дигән темага экология сәгате үткәрелде. Балалар Гөлназ Фәттахованың канатлы дусларга карата сакчыл мөнәсәбәт, табигатькә һәм әйләнә-тирә дөньяга мәхәббәт турында сөйләгәннәрен тыңладылар. Соңыннан яшь укучылар китаплар белән таныштылар, төрле уеннар уйнадылар, викторина сорауларына җавап бирделәр, табышмакларга җаваплар таптылар.

Чарада катнашучыларның барысы да татлы ризыклар белән сыйланды.