Белеп тору комачауламас

Секундлар, минутлар гомерне саклап кала ала. Шуңа күрә ашыгыч хезмәт телефоннарын белү һәм аларга тиз шалтырату мөмкинлеге булу бик мөһим. Бу проблеманы хәл итүнең бер ысулы - ашыгыч хезмәт телефоннары белән элмә такталар урнаштыру, халыкка җиткерү.

Югары Ослан авыл җирлеге территориясендә кешеләрнең күпләп булган урыннарында (тукталыш павильоннары, парклар һәм скверлар) ашыгыч хезмәт телефоннары белән элмә такталар урнаштырылды. Ашыгыч ярдәм телефоннары элмә тактасы гадәттән тыш хәлләр вакытында полиция, ашыгыч медицина ярдәме, янгын сүндерү һәм башка хезмәтләр турында мәгълүматне тиз һәм уңайлы рәвештә алырга ярдәм итә. Интернетта яки белешмәлектә кирәкле телефон номерын эзләү урынына, такталарга күз салып, кирәкле номерны җыеп була.