Апрель ае каян килеп чыккан

Күпчелек белгечләр аны латинчадан “aperire” (“ачарга”) сүзеннән ясалган дип фаразлый. Чыннан да, бу вакытта бөреләр ачыла, табигать уяна.

Икенче фараз буенча, ул латинчадан “икенче” дигән мәгънәне аңлата. Чөнки Борынгы Рим календарендә ул икенче ай булган.

Өченче фараз: ул Борынгы Грециянең матурлык һәм мәхәббәт алиһәсе Афродита хөрмәтенә шулай аталган. Ул – уңдырышлылык, мәңгелек яз, тормыш алиһәсе дә.

Татарстанда Нәүрүздән соң, ягъни 21 марттан, “яңарыш ае” башлана. Борыңгылар бу ай башында Яңа ел башлануны бәйрәм иткән. Яз җитә, бу – кар карала торган чак.