Альфред Зәйдуллинны бәйрәме белән котладылар
26 июльдә Хәрби һәм хезмәт батырлыгы елында Хәрби-Диңгез Флоты көне билгеләп үтелде.
Хәрби-Диңгез флоты көнендә Россиянең диңгез чикләрен саклаучылар, тормыш һәм хезмәт елларын хәрби-диңгез флоты корабларының һәм частьларының хәрби әзерлеген тәэмин итү белән бәйләүчеләр, хәрби хезмәткәрләрнең гаилә әгъзалары, флот оешмалары эшчеләре һәм хезмәткәрләре, Бөек Ватан сугышы һәм Кораллы Көчләр ветераннары билгеләп үтәләр.
Яңа Рус Мәмәтхуҗасы авыл җирлегенең Татар Мәмәтхуҗасы авылында Альфред Зәйдуллин гомер итә һәм эшли. Ул 1987 елдан 1990 елга кадәр Муром төньяк флоты «Акула» су асты кораблендә кабельле дизельләр мотористы вазифасында армиядә хезмәт иткән. Лаеклы хезмәте өчен ике бүләккә лаек булган: «ВМФ отличнигы», «Ерак поход өчен». Хәзерге вакытта Иске Рус Мәмәтхуҗасы авылында хезмәт куя. Өйләнгән, ир бала тәрбияләп үстергән.
Мәдәният йорты хезмәткәрләре әлеге бәйрәм көнне Альфред Зәйдуллинны котлап, ныклы сәламәтлек, уңышлар теләделәр.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Читай «Волжскую новь» в Телеграм, Вконтакте, Одноклассники, Дзен
Нет комментариев