2025 елның көзендә Россиядә яман шешкә каршы вакцина куллана башлаячаклар

Россия Сәламәтлек саклау министрлыгының Н.Ф.Гамалея исемендәге эпидемиология һәм микробиология милли тикшеренү үзәге директоры Александр Гинцбург РИА Новостига сентябрьдә беренче пациентларны дәвалау өчен яңа онковакцина кулланыла башлау көтелүе турында сөйләде. Бу вакцинаны эшләү Гамалея үзәгендә алып барыла һәм яман шеш белән көрәшү өчен яңа препаратлар булдыру буенча чаралар комплексына керә.

Гинцбург билгеләп үткәнчә, вакцина персональләштерелгән булачак — ул һәр конкрет пациент өчен махсус эшләнелә. Даруны эшләгәндә ясалма интеллект кулланыла, ул шеш үзенчәлекләрен анализлый һәм дәвалауның иң яхшы стратегиясен тәкъдим итә. Мондый алым вакцинаны нибары бер атна эчендә ясарга мөмкинлек бирә.

"Без планны Сәламәтлек саклау министрлыгына тәкъдим иттек, гәрчә ул әле тулысынча расланмаган булса да. Без сентябрьдә пациентларны дәвалауга керешү өчен август ахырына рөхсәт алырга өметләнәбез», - дип ассызыклады Гинцбург. Аның әйтүенчә, вакцина меланома диагнозы булган пациентлар өчен генә түгел, терапиянең билгеле бер стадияләрен узганнар өчен дә каралган.