1 августтан үз көченә керә торган законнар

Банклар һәм микрофинанс оешмалары гражданнарның вакыты чыккан бурычларын кире кайтаруга кагылышлы сөйләшүләрне теркәп барырга һәм сакларга тиеш булачак. Элегрәк мондый бурычлар коллектор оешмаларында гына булган. 

Балаларга бердәм пособие алу кагыйдәләре үзгәрәчәк. Әгәр гариза вакытлыча прописка яки фактта яшәү урыны буенча бирелә икән, гариза бирүченең һәм балаларның чынлыкта кайда яшәвен тикшерәчәкләр. 

Муниципаль депутатлар җирле администрацияне формалаштыруда катнаша алачак. Җирлектә яшәүче халык та бу процесста катнашачак. Әлеге карар җирле үзидарә органнары һәм халык арасында үзара хезмәттәшлекнең нәтиҗәлелеген арттырачак.