Файдаланылмаган җирләрне тартып алырга мөмкиннәр

1 марттан Россиядә файдаланылмый торган җир кишәрлекләрен хуҗаларыннан тартып алырга мөмкинлек бирүче закон үз көченә керә.

Мондый җирләрнең милекчеләренә алардан файдалана башлау өчен өч ел бирелә. Әгәр бу вакыт эчендә участок ташландык хәлдә калса, аны гадиләштерелгән процедура буенча тартып алырга мөмкиннәр. Моның өчен җирнең чүп үләннәр белән капланганын, чүпләнгәнен яки койма белән әйләндереп алынмаганлыгын билгеләү дә җитә. 

Татарстанда махсус хәрби операциядә катнашучыларга җир бүлеп бирү өчен аерым закон проекты эшләнә. Хәзерге вакытта ул эшләп бетерү стадиясендә, дип хәбәр итте ТР Дәүләт Советы депутаты Эдуард Шәрәфиев.