Юл хәрәкәте иминлеге комиссиясе утырышында паром кичүе эше планнары турында сөйләделәр

Быел боз кичүе эшли башлаганга 10 ел, ә паром кичүенә 5 ел, - дип сузен башлады паром кичүе башлыгы Илдар Насыйров.

- Әйе, бу транспорт төененең эше күп проблемалар тудыра, әмма без аларны киметү өчен бөтен көчебезне куярга тырышабыз. Транспорт агымын бүлү өчен альтернатив маршрутлар эшләп карадык, ләкин нәтиҗәсе булмады. Быел өстәмә күрсәткечләр, мәгълүмати баннерлар урнаштырырга, ял һәм бәйрәм көннәрендә көйләүчеләрнең  эшен оештырырга планлаштырабыз.

Яңа сезонда без, рөхсәт ителгәнчә, бәяләрне узган ел дәрәҗәсендә саклап калырга телибез, - дип чыгышын тәмамлады Насыйров.