Өлкәннәр көнен билгеләп үтү инде күркәм гадәткә әверелде. Бу көн - йөрәк җылысы, эшкә бирелгән көчкә, өлкән буынның яшь буын белән уртаклашкан тәҗрибә өчен рәхмәт бәйрәме.
Мәдәният йортының уңайлы залына төрле язмышлы, төрле характерлы, төрле тормыш тәҗрибәләре булган кешеләр җыелды. Катнашучыларның һәрберсенең үз тормыш «җыры», үз тормыш тәҗрибәсе, кайчак бик авыр да һәм каһарманлыкка тиң дә.
Концертны Елена Седова һәм Артем Хәйруллин алып бардылар. Яңа Рус Мәмәтхуҗасы авыл җирлеге башлыгы Владимир Никитушкин барысын да бәйрәм белән котлады. «Мәмәтхуҗа солянкасы» вокаль төркеме һәм Мәмәтхуҗа мәдәният йортының «Ручеек» бию төркеме җыелучыларга үзләренең җырларын һәм биюләрен бүләк итте. Чарага җыелучыларның Саттарова Алефтина һәм Татьяна Никитушкина әзерләгән «Әбиләр пенсиядә» шаярту күренеше күңелләренә хуш килде. Мира Хәйруллина үзенең шигырьләрен һәм җырын бүләк итте. Елена Седова төрле конкурслар уздырды һәм авылдашларына бергәләп яшьлектә җырлаган җырларны искә төшерергә тәкъдим итте.
Чара җылы һәм күңелле атмосферада узды.
Нет комментариев