Югары Ослан районында техниканың язгы кыр эшләренә әзерлеген тикшерделәр

Татарстан Республикасы Авыл хуҗалыгы һәм азык-төлек министрлыгының терлекчелек объектларын механикалаштыру һәм энергия ресурслары секторы мөдире Наил Алиуллов, Татарстан авыл хуҗалыгы фәнни-тикшеренү институты җитәкчесе урынбасары Рәсим Газизов, Югары Ослан районының авыл хуҗалыгы һәм азык-төлек идарәсе башлыгы Рәшит Гобәйдуллин һәм дәүләт техник күзәтчелек идарәсенең Югары Ослан районы бүлеге башлыгы Дмитрий Сибгатуллин составындагы комиссия районның крестьян-фермер хуҗалыкларын һәм авыл хуҗалыгы предприятиеләрен йөреп чыктылар.

Комиссия әгъзалары Прокопьева А., Фатыйхова А., Лазарев Н., «Восток-Зернопродукт» АҖ һәм «Заря»агрофирмасында техниканың әзерлеген карадылар.

Тикшерү «Заря» Агрофирмасында хуҗалык җитәкчеләре киңәшмәсе белән тәмамланды, анда һәр хуҗалык җитәкчесе эшкәртелә торган җирләрнең саны, утырту материалы, эшче техника һәм кадрлар турында сөйләде.

Хуҗалыкларны йөреп чыгу нәтиҗәләре буенча Наил Алиуллов чыгыш ясады, ул бүгенге көндә кайбер хуҗалыкларның язгы кыр эшләренә әзерлек буенча борчылуын билгеләп үтте, шулай ук Прокопьева һәм Лазарев крестьян-фермер хуҗалыкларның башкалар өчен үрнәк булуын ассызыклады.

Киңәшмә эшендә район башлыгы Марат Зиатдинов катнашты. Марат Галимҗанович җитәкчеләрне булган техниканы ремонтлау һәм торгызу, орлыклар һәм ашламалар сатып алу, кадрлар мәсьәләләрен хәл итәргә чакырды.