“Ышаныч телефоны” ярдәмгә килергә әзер

Балаларның һәм яшүсмерләрнең еш кына мөстәкыйль рәвештә төшенә һәм җиңеп чыга алмаган авыр ситуацияләре була, аларда өметсезлек, курку, авырту хисләре туа. Үзең турында ниндидер мөһим әйбер сөйләргә, сөйләшергә, аңлауга һәм теләктәшлеккә ихтыяҗ туа. Кызганычка каршы, күп очракта барлык балалар да үз якыннарына һәм туганнарына ышанмый, аларга таныш булмаган кешегә ярдәм сорап мөрәҗәгать итү җиңелрәк, бу очракларда, ашыгыч психологик ярдәм коралы булып балаларга  “Ышаныч телефоны” ярдәмгә килә, анда тәҗрибәле белгечләр - психологлар эшли. 

Чара барышында балалар “Ышаныч телефоны”ның психологик ярдәмгә мохтаҗ һәр кешенең мөрәҗәгатен тәэмин итүче бушлай ярдәм икәнлеген белделәр. Хезмәтнең төп бурычы - игътибар кирәк булган балалар иминлеге өчен эшләү. Тәүлекнең теләсә кайсы вакытында психолог-консультантлар балаларны тыңларга, аңларга, авыр ситуациядән чыгу юлын табарга ярдәм итәргә әзер. 

Балаларга “Ышаныч телефоны”ның эш принциплары турында сөйләделәр. Фикер алышу барышында балалар белән ышаныч телефонына нинди проблемалар белән мөрәҗәгать итәргә мөмкин икәнен билгеләделәр һәм аларга ышаныч телефонының ничек ярдәм итә алуын аңладылар. Балалар “Ышаныч телефоны” - катлаулы хәлгә эләккән һәм үз сорауларына җавап алырга теләүче балалар һәм яшүсмерләр өчен, шулай ук үз балаларына ничек ярдәм итәргә белмәгән ата-аналар өчен оештырылган.