Владимир Вавилов Введенка Бистәсе укучыларына Казанга сәяхәт бүләк иткән

Мәктәп директоры Лилия Морозенкова әйтүенчә, мәктәп укучылары Казан зоопаркында булдылар,  ә аннан соң Казан кафеларының берсендә төшке аш белән сыйландылар.

“Безнең Казан каласына сәяхәтебез Татарстан Дәүләт Советы депутаты Владимир Вавилов ярдәме белән мөмкин булды.Балалар яңа зоопарк , андагы җәнлекләр белән таныштылар, Владимир Владимирович белән аралаштылар, мини-скалодромда йөрделәр, ә аннан соң балаларның яраткан кафесында төшке аш ашадылар.Балалар һәм аларның әти-әниләре Владимир Вавиловка мәктәпкә һәм балаларыбызга даими ярдәм иткәне өчен чын күңелдән рәхмәт белдерәләр!”-ди Лилия Эмирҗан кызы.

Владимир Вавилов Введенка Бистәсе мәктәбенә һәм укучыларга файдалы бүләкләр белән даими рәвештә ярдәм итеп килә.