Үзәк китапханә хәрби хезмәткә чакырылучылар көненә багышланган күргәзмәгә чакыра

Хәрби хезмәткә чакырылучылар көне һәр яшь кеше тормышында яңа этапның башлануын билгели. Хәрби хезмәткә чакырылучыларга данлыклы Кораллы Көчләр биографиясенә үз битләрен язып куярга һәм әлеге изге хезмәт аларда, туганнарында һәм якыннарында Ватан алдында лаеклы үтәлгән хәрби бурычлары өчен горурлык хисе уятсын өчен тырышырга туры киләчәген ассызыклый.

 Бу көнгә район үзәк китапханәсендә «Ватанны саклау – изге эш» дип аталган күргәзмә-карау оештырылды. 

 Әлеге күргәзмә өч бүлектән тора:  

-«Армия - Россия батырлыгы» - бу бүлек рус армиясе барлыкка килүнең тарихи мизгелләрен үз эченә ала, хәрби хезмәтнең хәзерге үзенчәлекләре белән таныштыра һәм булачак Ватанны саклаучыларга аларның конституцион бурычларын һәм хокукларын аңлата.

 -«Ватанга хезмәттә» бүлеге совет сәнәгате казанышлары, инженерларның иң куәтле танклар, самолетлар һәм корабльләр, корал булдырулары турында сөйли.

–«Көчле рухлылар» - бу бүлек армиянең героик-патриотик традицияләре, сугыш сынаулары елларында солдатларның батырлыгы һәм каһарманлыгы турында әдәби әсәрләр тәкъдим итә.