Түбән Ослан балалар бакчасында батареяләр җыю буенча экологик акция башланды
Кулланышта булган батареялар калдыкларының зарарлылыгы буенча беренче класс зарарлыкка карый. Аларны гадәти чүп-чар кебек утильләштерергә ярамый. Кулланган батареялар алга таба дөрес утильләштерү өчен махсус контейнерга урнаштырыла.
Тәрбиячеләр балалар белән "Нигә батареяларны ташларга ярамый?" дигән әңгәмә үткәрделәр, аның максаты балаларда чүплеккә ташланган батареяларның зыяны турында белем формалаштырудан гыйбарәт. Тәрбияләнүчеләр педагог белән бергә "Фиксик-батарейка" мультфильмы карап, батарейкалар турында, аларның файдасы һәм ялгыш утильләштерү вакытындагы зарары турында белделәр. Балалар табигатькә зыян салуның масштаблары белән шулкадәр тәэсирләнеп, бу акциягә әти-әниләрен генә түгел, әби-бабайларын да җәлеп иттеләр.
Галимнәр исәпләп чыгарганча, бер батарейка 2 агач үсә торган, 1 керпе, 2 сукыр тычкан, берничә мең яңгыр суалчаны яши торган урынны агуларга мөмкин. Кулланылган батареялар терекөмеш, никель, литий, марганец, цинк бүлеп чыгара, шуңа да аларны дөрес итеп үтильләштерү бик мөһим. Безнең куллардан кечкенә генә могҗиза эшләү килә: зарарлы чүпне файдалы икенчел чималга әйләндерү! Акция вакытында кулланган батареяларны күп җыйдылар, бу батареялар чүплеккә эләкмәде, яндырылмадылар һәм безнең планетаны агуламадылар!
Балалар бакчасы җитәкчелеге акциядә актив катнашканнары өчен барлык балаларга һәм ата-аналарга рәхмәт белдерә. Акция дәвам итә.
Следите за самым важным и интересным в Telegram-каналеТатмедиа
Нет комментариев