Светлана Ширяева «Мин татарча сөйләшәм һәм эшлим – 2024» һөнәри осталык конкурсында җиңү яулады

Конкурс Татарстан Республикасы мәктәпкәчә белем бирү оешмаларының педагогик хезмәткәрләренең һөнәри тәҗрибәсен тарату һәм аларның иҗади инициативасын үстерү максатында үткәрелде.  

Финалда катнашучылар «Мин шәхес» темасына визит карточкасы тәкъдим итте, тәрбиячеләр «Тәрҗемә ит! Татарча өйрәнәбез!» уен-викторинасында, «Мин сине кызыклы уенга өйрәтәм!» уенында, шулай ук үз иҗатларын «Ирекле микрофон» конкурсында күрсәттеләр.

Югары Осланнан «Кояшкай» балалар бакчасының физик культура буенча инструкторы Ширяева Светлана чыгыш ясады. Светлана Александровна үзен эшен чын күңелдән яраткан һәм балалар күңеленә ачкыч таба белгән профессионал буларак танытты. Ул районны лаеклы рәвештә тәкъдим итте һәм Татарстанда татарча сөйләшүче һәм эшләүче 15 иң яхшы рус телле тәрбияче исемлегенә керде. Ул «Тамашачылар симпатиясе призы» номинациясендә җиңүче дипломы һәм  сертификат белән бүләкләнде. Конкурс үсеп килүче буын арасында татар телен саклау һәм үстерүнең мөһимлегенә ачык мисал булды.

Светлана Ширяеваны һәм Югары Осланның «Кояшкай» балалар бакчасын җиңү белән котлыйбыз, алга таба да уңышлар һәм җиңүләр телибез!