Суфия Вахит кызы 90 яшьлеген билгеләп үтә

Ватан авылында яшәүче Суфия Вахит кызы Төхвәтуллина 2025 елның 1 мартында 90 яшьлек юбилеен билгеләп үтте.

90 еллык язмыш үзенә күп вакыйгаларны сыйдыргандыр. Аның язмышы да ул авыр елларда яшәгән кешеләрнең язмышына охшаган. Суфия апа - үз гомерендә шатлыгын да, кайгысын да татыган гади татар хатыны. Дәһшәтле сугыш һәм сугыштан соңгы авыр чорда балачак, яшьлек, үсеп җитү чорын кичерә. Тормыштагы үҗәтлеге һәм нык холкы аны тормышында һәрвакыт озата барган, авырлыкларны җиңәргә ярдәм иткән. Юбилярша бүгенге көнгә кадәр гаҗәеп ачык акыл һәм тормыш сөючәнлеген саклап кала алган.   

Вахит авыл мәдәният йорты волонтерлары Суфия Вахит кызын шундый мөһим юбилее белән котладылар. Кунакларны ул яхшы кәеф белән каршы алды. Аны юбилее белән котлап, аңа сугыш елларындагы һәм сугыштан соңгы чордагы хезмәтләре өчен чын күңелдән рәхмәт сүзләрен җиткерделәр, озын гомер, сәламәтлек һәм якыннарының кайгыртуында яшәвен теләделәр.

Олы яшьтәге кешегә күп кирәкми, сәламәтлек һәм бераз игътибар - һәм бу, әйтергә кирәк, бүген иң мөһиме. Ә кунаклар, саубуллашканда 95 яшьлек юбилеена котлаулар белән килергә вәгъдә иттеләр.

-Хөрмәтле Суфия апа! Сезнең юбилеегыз - 90 яшьнең олы яшь булмавына чираттагы дәлил. Тарихи вакыйгаларда катнашып һәм киләчәк буын хакына хезмәт итеп лаеклы үткән катлаулы тормыш юлы өчен сезгә түбәнчелек белән баш иябез. Сезгә нык сәламәтлек, якыннарыгызның аңлавын, үзегез лаеклы булган шатлык һәм ләззәтләрне күбрәк телибез, туганнарыгыз һәм якыннарыгыз Сезне һәрвакыт хупласын һәм яратсын! , - дип теләкләрен җиткерделәр мәдәният хезмәткәрләре.