Анда Татар Борнаш башкарма комитеты һәм авыл мәдәният йорты хезмәткәрләре катнашты.
Зөя елгасының матур яры балыкчыларның да, туристларның да яраткан урыны санала. Ләкин, кызганычка каршы, әлеге популярлыкның икенче ягы да бар: ял итүчеләр еш кына үзләреннән соң чүп-чар калдыралар, ә бу юлы яр буенда хәтта чүплек тә барлыкка килгән.
Акциядә катнашучылар читтә калмадылар һәм эшкә тотындылар: алар яр буйларыннан үттеләр, бөтен чүп-чарны җентекләп җыйдылар һәм барлыкка килгән чүплекне бетерделәр. Нәтиҗәдә яр буе тәртипкә китерелде һәм яр буендагы табигый чисталыкны, матурлыкны, җәлеп итүчәнлекне кире кайтаруга ирешелде. Барлык җыелган калдыкларны капчыкларга тутырып, алга таба утильләштерү өчен контейнер мәйданчыгына чыгардылар.
Мондый чаралар – чистарту, җыештыру гына түгел, ә сулыкларның һәм әйләнә-тирә мохитнең чисталыгын саклауга реаль өлеш кертү. Акциядә катнашу - табигатькә җаваплы мөнәсәбәтнең менә дигән үрнәге: уртак тырышлык белән тирә-юньне чистарак һәм куркынычсызрак итәргә мөмкин.
Нет комментариев