Районның авыл хуҗалыгы хезмәткәрләре һәр аяз сәгатьне урып-җыюда файдалану өчен кырларда яшиләр диярлек.
Бу сезонда һава шартлары начар булуга карамастан, игенчеләр төшенкелеккә бирелмиләр һәм урып-җыюга актив кушылалар. Соңгы берничә көндә һава торышы сабан культураларын җыю темпларын арттырырга мөмкинлек бирде.
4 сентябрьгә булган мәгълүматларга караганда, районда 16 005 гектарда бөртекле һәм кузаклы культуралар (75,3%) һәм 42471 тонна ашлык суктырылган, бер гектардан уртача уңыш 26,5 центнер тәшкил итә. Аеруча А.И.Прокопьева крестьян-фермер хуҗалыгының казанышларын билгеләп үтәргә кирәк. Әлеге фермер хуҗалыгы районда беренчеләрдән булып бөртеклеләрне җыеп бетерде. Бу крестьян-фермер хуҗалыгы арпадан 41 центнер уңыш алуы белән аерылып тора.
Урып-җыю эшләрен хуҗалык комбайнчыларының җайга салынган эше нәтиҗәсендә кыска вакыт эчендә башкарып чыктылар, аларның гомуми суктыруы 4274 тонна тәшкил итте: Александр Никифоров - 2220 тонна, Петр Баканов - 1308 тонна һәм Иван Матвеев - 746 тн. Машина йөртүчеләр Евгений Козлов, Виктор Жарков һәм Илья Ермолаев ярдәмендә комбайннарның эшләре туктап тормады.
Авыл хуҗалыгы хезмәткәрләренең югары һөнәри осталыгы, хезмәт сөючәнлеге тирән ихтирамга һәм танылуга лаек. Фидакарь хезмәтегез өчен рәхмәт сезгә! Туфрак һәрвакыт уңдырышлы, мул уңыш бирә торган булсын, бөтен эшләрегез югарыга күтәрелсен, ә хезмәтегез мул уңыш һәм канәгатьлек китерсен!
Читай «Волжскую новь» в МАКС, Вконтакте, Одноклассники, Дзен, Телеграм,
Нет комментариев