Район башлыгы Марат Зыятдинов авыл хуҗалыгы предприятиеләре җитәкчеләре белән киңәшмә үткәрде

Узган атнада  Марат Зыятдинов  авыл хуҗалыгы предприятиеләре җитәкчеләре белән агымдагы мәсьәләләр буенча эшлекле киңәшмә үткәрде.

Авыл хуҗалыгы предприятиеләре җитәкчеләре урып-җыю һәм кыр эшләре барышы турында хәбәр иттеләр. Бүгенге көндә бөртекле һәм кузаклы культуралар 17974 гектарда җыеп алынган, бу барлык мәйданның 98%  тәшкил итә. 54821 тонна ашлык суктырылган, гектарыннан 31 центнер уңыш чыккан. Урып-җыю эшләре белән бергә басуларда 2288 гектарда көзге культуралар чәчү бара, бу планлаштырылган мәйданның 43%  тәшкил итә. Киңәшмәдә шулай ук терлек азыгы әзерләү мәсьәләләре буенча да фикер алыштылар.

Чыганак: https://verhniy-uslon.tatarstan.ru/tat/index.htm/news/2118938.htm