«Мин - укучы» кушымтасында юл хәрәкәте иминлеге буенча конкурс старт алды

Конкурс ике этапта узачак, ләкин башта "Мин - укучы" («Я школьник») мобиль кушымтасын сматфонга күчереп алырга кирәк.

Беренче этапта, ике атна дәвамында, юл хәрәкәте кагыйдәләре буенча сораулар белән бәйле тарихларны күзәтергә һәм үзегезнең җавапларны калдырырга кирәк булачак.

 Икенче этап - иҗади. Рус яки татар телләрендә "Бөтен гаилә белән юл хәрәкәте иминлеге өчен" темасына юл хәрәкәте куркынычсызлыгы буенча социаль челтәрләр трендлары форматында кыска видеоролик төшерергә кирәк. Видео креатив булырга һәм юл хәрәкәте куркынычсызлыгы буенча белемнәрне күрсәтергә тиеш. Видеороликның озынлыгы 2 минуттан да артмаска тиеш. Видеоны 30 июньгә кадәр кушымтаның "Конкурслар" бүлегенә җибәрергә кирәк. 

Җиңүчеләр алты булачак: 5-8 һәм 9-11 сыйныфлар категориясендә өчәр җиңүче. Моннан тыш, 10 иң яхшы катнашучы да бүләкләнәчәк.

Җиңүчеләр кыйммәтле призлар алачак. Төп приз - смартфон.