Матюшино мәктәбе укучыларына Россия матбугаты тарихы турында сөйләделәр

РСФСР Югары Советы Президиумының 28.12.1991 ел, №3043-1 "Россия матбугаты көне турында" карары нигезендә 13 гыйнварда Россиядә Матбугат көне билгеләп үтелә.

Бу көнне Матюшино мәктәбенең башлангыч сыйныф укучылары өчен "Россия матбугаты тарихыннан" дип исемләнгән телдән журнал үткәрелде.

Лилия Әмировна укучыларга 300 елдан артык элек Россиядә матбугат басмалары барлыкка килү, Петр 1 указы буенча 1703 елда Россиядә беренче  "Ведомости" газетасының дөньяга чыгуы, киләчәктә басма эшнең ничек үсүе, СССРда 5 майда билгеләп үтелгән беренче "газетчылар" бәйрәме турында сөйләде.

Шулай ук балаларны район газетасы белән таныштырдылар һәм яңа номер материалларын укып чыктылар.