Кызыл Байракта Самара туристлары булып китте

Совет чоры бинасы гүя үткәнгә күчерә

Биредә алар үткән гасырда бинаны ягу өчен сакланган мичләрне, мәктәп парталарын һәм элек шушы бинада урнашкан Совет мәктәбе атрибутларын күрделәр. Кунакларның игътибарын бөек татар шагыйре Габдулла Тукайга багышланган күргәзмә дә җәлеп итте. Алар «Тукайны бергәләп укыйбыз» Республика проекты кысаларында шагыйрҗнең «Иртә» шигырен рәхәтләнеп тыңладылар. Бу якты, тормышны раслаучы әсәр, анда шагыйрь дөньяның: табигатьнең дә, шәһәр тормышының да уянуын күрсәтә.

Тукайның иртәсе пейзаж гына түгел, ә алга бару, белем кыйммәтләре һәм гадәти көннән шатлык символына әверелә. Гүзәллекне Тукай гадәттәгечә күрә белә: шәһәр шау-шуында, букчалы балаларда, тигезлек өстендәге яктылыкта. Һәр яңа көннең кыйммәте - гадәттән тыш вакыйгаларда түгел, ә хәрәкәттә. Тукай гади әйберләрдә матурлыкны күрергә һәм табигатьнең һәм тормышның уянуына шатланырга өйрәтә, ә бу кемгә генә түгел, туристларга да иң яхшы таныш. 

Кунаклар авыл тарихы белән таныштылар

Аларда С.Сәйдәшев, Ш.Әхмәров һәм Кызыл Байрак авылы тарихына багышланган музей экспозициясе зур кызыксыну уятты. Кызыл Байрак авылы мәдәният хезмәткәре кунакларны экспонатлар һәм материаллар белән таныштырды, авылның тарихы һәм үсеше турында сөйләде. Шулай ук Кызыл Байрак бистәсенә нигез салучыларның берсе педагог, журналист, татар мәгърифәтчесе Шиһаб Әхмәров булуы, аның 1912 елда Әминә Сәйдәшевага өйләнүе һәм энесен - кечкенә Салихны үз карамагына алуы, аның уникаль музыкаль талантын ачуы турында сөйләде.

Халыкара музыка көнендә кунаклар композитор, пианист, дирижер, татар профессиональ музыкасына нигез салучы С.Сәйдәшевнең тормышы һәм иҗат юлы турында белделәр. Туристлар Салих Сәйдәшев ял итү өчен арендага алган йортны да күрделәр.   

Кунаклар шулай ук

Кызыл Байракның татар зыялыларының яраткан урыны булуын һәм кайчандыр Галимҗан Ибраһимов тарафыннан "Татар Швейцариясе" дип аталуын белделәр. Салих Сәйдәшев, Шәриф Камал, Гадел һәм Рөстәм Кутуй, Фәйзулла Туишев, Һади Такташ һәм башка күренекле кешеләр биредә озак вакытлар (кайчак кышын да) яшәгәннәр.

Алар авыл халкы белән дус булганнар, урманда берничә урында һәрвакыт ашъяулыклар җәелгән, самавырлар кайнап торган. Тирә-якта әңгәмәләр, бәхәсләр, музыка, җырлар яңгыраган. Бу шәһәрдә һәм авылда татар милләтенең рухи үсеше чоры була. Ахырда кунаклар фотога төштеләр, ә истәлеккә Югары Ослан китапханәсе тарафыннан эшләнгән Салих Сәйдәшев турында мәгълүмат буклетын алдылар.