Казан Кремлендә курчак театры спектакль күрсәтәчәк

Бу мавыктыргыч музыкаль әкиятнең геройлары - йорт хайваннары: Әтәч, Үрдәк, Тавык, Каз, Чеби һәм Каз бибие, алар җәйне матур почмакта - «Кошлар оҗмахы» ял йортында уздыралар. Җәйге кояштан һәм салкынча судан ләззәтләнеп, ял итәргә яхшы, тик менә Әтәчнең вак-төяк үпкәләре һәм ахмак   мактануы гына  кошларның ачуын уята.

Җитмәсә, явыз Тилгән  дә «Кошлар оҗмахы»нда яшәүчеләрне куркытып тора. Ул кечкенә кошчыкларны үз өненә алып китә. Батыр Каз һәм гүзәл Үрдәк сабыйларны коткарырга карар кылалар. Ләкин аларның тырышлыгы файдасыз булып чыга, мондый явызлар белән бердәм көрәшергә кирәк бит. Дус команда, бөтен үпкәләрне, талашуларны онытып, Тилгән белән сугышырга баралар һәм лаеклы җиңүгә ирешәләр.

Керү ирекле