Югары Ослан районында урман глэмпингы ачылды

Милли проект Россия буенча сәяхәтләрне уңайлырак, куркынычсызрак итәргә ярдәм итә. Туристларның яллары сыйфатлы сервис алачак, ә ял һәм туристлык маршрутларын оештыручыларга  дәүләт һәрьяклап ярдәм итә. 2023 нче елның маенда Ватан авылыннан ерак түгел, Казан шәһәреннән уңайлы ераклыкта, нарат урманында  Глэмпинг "Сосны. ПРОстранствие" ачылды.

Туристларга  4 кешелек 10 модульле йорт һәм 3 уңайлы, заманча мунчалар хезмәт күрсәтә. Гаиләләр яки гашыйклар өчен шәһәр ыгы-зыгысыннан, тыныч ял итү өчен идеаль вариант.

 Әлеге проектны "Туризм һәм кунакчыллык индустриясе" милли проектын тормышка ашыру өчен бирелгән субсидияләр  ярдәме белән  тормышка ашырып булды.

Объект хуҗасы Татьяна Игнатьеваның элек глэмпингны җибәрү буенча уңышсыз тәҗрибәсе  булган: нигез итеп ул ИТТ участогын алган, ләкин күршеләре аны рекреациягә күчерергә ризалык бирмәгән, ә ул вакытта гамәлдә булган "Ростуризм" участокны бик кечкенә дип санаган. Әмма эшмәкәрне бу туктатмаган, һәм узган көздә аның гаризасы 11 млн субсидия ота. Бу юлы Игнатьева 4 га җир сатып алган,  әлеге вакытта авыл хуҗалыгы җирләре  рекреациягә күчерелә. Проектка инде 30 млн сумнан артык акча кертелгән,- дип уртаклашты Татьяна Игнатьева, әмма аның алдагы планнарында  тагын да  киңәю күздә тотыла:  яңа субсидияләр алып,  геокуполлар төзи башларга исәп тота.