Югары Ослан районында янгыннар саны арткан

Район Гадәттән тыш хәлләр министрлыгының күзәтчелек эшчәнлеге һәм профилактика эшләре бүлеге хәбәр итүенчә, ел башыннан Югары Ослан территориясендә янгыннар саны арткан. 

 "2023 елның гыйнварыннан районда 81 янгын чыккан, бу узган елның шушы чоры белән чагыштырганда 23,5 процентка күбрәк. Узган ел шул ук вакыт эчендә 62 янгын теркәлгән. Шул ук вакытта без янгыннардагы аеруча авыр нәтиҗәләрнең кимүе билгеләп үтелә. Узган ел шундый ук чорда янгында бер кеше һәлакбулып, бер кеше зыян күргән һәм икесе коткарылган булса, быел һәлак булучылар, бәхеткә каршы, юк, янгыннарда өч кеше зыян күргән. Янәдән район халкына һәм кунакларына янгын куркынычсызлыгы кагыйдәләрен үтәү турында искә төшерәм, чөнки көзге-кышкы чор җылыткычлар һәм торакны җылыту өчен башка җайланмалар куллану белән катлаулана", - диде күзәтчелек эшчәнлеге бүлеге  җитәкчесе Ленар Мардегалимов. 

Ул шулай ук янгын куркынычы янаган чорда куркынычсызлык чаралары турында сөйләде.

• Кабызылган электр приборларын беркайчан да күзәтүсез калдырмагыз;
• Электр үткәргечләрнең төзеклеген тикшереп торыгыз;
• Электр челтәрен артык йөкләмәгез;
• Газ һәм мичләрне эксплуатацияләгәндә сак булыгыз;
• Янган мичләрне күзәтүсез калдырмагыз;
• Төтен юлларын корымнан даими һәм вакытында чистартыгыз;
• Балаларны күзәтүсез калдырмагыз, аларны ут белән файдалану кагыйдәләренә өйрәтегез.

 Коткаручылар фикеренчә, сезнең йортларда дистәләрчә коткарылган гомерләр  белән исбатланган янгын чыгуны хәбәр итүче иң яхшы чара - автоном төтен хәбәрчесе җайланмасы. Ул янгынны иртә табарга һәм кешенең гомерен коткарырга ярдәм итә. Прибор төтенгә җавап бирә - каты тавыш хәтта иң каты йокыны дә бүлдерергә сәләтле.

"Янгын турында хәбәр бирүче җайланма, якыннарыгызга, шулай ук сезнең йорт өчен дә иң яхшы бүләк. Үз өегездә янгын хәбәрчесе куегыз һәм исегездә тотыгыз: Сезнең куркынычсызлыгыгыз - сезнең җаваплылыгыз!", - дип өндәде  Ленар Рәшид улы.