Югары Ослан районында янгынга каршы махсус режим кертелде
Районның гадәттән тыш хәлләрне кисәтү һәм бетерү, янгын куркынычсызлыгын тәэмин итү комиссиясе карары нигезендә 25 декабрьдән яңа елның 8 гыйнварына кадәр районда янгынга каршы махсус режим урнаштырыла.
Бу чорда торак пунктлардагы җирлек башлыклары пиротехника эшләнмәләрен куллану урыннарын билгеләргә тиешләр. Шул ук вакытта сәнәгать, ягулык-энергетика комплексы чикләреннән 500 метр һәм торак-коммуналь хуҗалык, авыл хуҗалыгы объектлары һәм кешеләр күп була торган объектлар чикләреннән 50 метр араны бүлгәндә 1-3 класслы пиротехник эшләнмәләрдән (Бенгал утларыннан һәм шартлаткычлардан тыш) файдалану тыела.
Мәгариф, мәдәният оешмалары һәм башка объектлар янгын куркынычсызлыгы чараларының бөтен комплексын тәэмин итәргә тиеш. Шулай ук күзәтчелек органнары, гадәттән тыш хәлләр министрлыгы һәм полиция хезмәтләре Яңа ел һәм Раштуа бәйрәм чараларын үткәрү урыннарын исәпкә алырга тиеш.
Следите за самым важным и интересным в Telegram-каналеТатмедиа
Нет комментариев