Югары Ослан районына эшлекле сәфәр белән Дәүләт Думасы депутаты килде

Дәүләт Думасы депутаты булган беренче объект район үзәгендә почта бүлекчәсе булды, анда бүгенге көндә  федераль модернизация программасы кысаларында ремонт-төзелеш эшләре алып барыла, ул Россия почтасы һәм "Бердәм Россия" белән берлектә тормышка ашырыла.

“Татарстан почтасы” идарәсе җитәкчесе  Илнур Мәхмүтов, район башлыгы Марат Зиатдинов белән авылларда почта эшенә кагылышлы мәсьәләләр буенча фикер алыштылар. Илнур Наваил улы республикада почта бүлекчәләрен модернизацияләү программасының ничек тормышка ашырылуы турында сөйләде, ә Марат Галимҗан улы депутатка авыл җирлекләрендә почта эшендә нинди проблемалар булуын җиткерде.

Алга таба эш сәфәре барышында Максим Топилин «Цифрлы трансформация шәһәре» сәнәгать мәйданчыгы төзелә башлау урынын, Идел аша төзелә торган күперне һәм М-12 тизйөрешле юл төзелешен карады, Уланово авылында булачак инвестиция проекты (сәнәгать мәйданчыгы) урыны белән танышты һәм Майдан авылында «Август-Кама Тамагы» авыл хуҗалыгы объектында булды.  

Моннан тыш, район башлыгы парламентарий белән бергә Тәмте урманчылыгына бара торган юлны карады, анда яшәүчеләр юл төзүне федераль программага кертү һәм төзү мәсьәләсе белән мөрәҗәгать итте. “Бүгенге көндә торак пунктта тышкы дөнья белән бары тик грунт юл буенча гына аралашып була һәм анда яшәүчеләр өчен юл салу бик кирәк”, - диде район башлыгы Марат Зиатдинов.