“Җиңү тәрәзәләре” бөтенроссия акциясенә Югары Ослан интернат-йорты хезмәткәрләре һәм яшәүчеләре дә кушылды

Хезмәт буенча инструктор Наталья Котова һәм тәрбияче Ксения Хваткова җитәкчелегендә "Иҗат шатлыгы" түгәрәгендә тәрбияләнүчеләр тынычлык символын - кәгазьдән күгәрченнәрне әзерләделәр һәм алар белән фойены бизәделәр.   

"Социаль хезмәтләр алучылар белән патриотик эштә без Бөек Ватан сугышына багышланган чаралар оештыруга зур игътибар бирәбез, - диләр бер тавыштан белгечләр. 9 май - ул миллионлаган Россия гражданнарының йөрәкләрендә аерым урын алып торучы изге бәйрәм. Бөек Ватан сугышы кагылмаган гаилә юк, һәм һәр гаиләнең үз герое бар.  Вакыт аяусыз алга бара, һәм безнең тәрбияләнүчеләр арасында ул еллардагы хәрби һәм фаҗигале вакыйгалар белән бәйле язмышлы бер генә кеше калды, - ул тыл ветераны 92 яшьлек Лариса Отставнова. Аны һәрвакыт тематик очрашулар уздыруга җәлеп итәбез, аның истәлекләрен тыңлыйбыз. Болар барысы да социаль хезмәтләрдән файдаланучыларның актив социальләшүенә ярдәм итә, җиңүчеләрнең буыннары - аларның бабалары  өчен горурлык хисе тоярга мөмкинлек бирә".

Россия халкының җиңелмәс ихтыяры белән яз чәчәк ата торган тәрәзәләргә карап, акциядә катнашучы һәркем бер нәрсә турында гына уйлады: тормыш күге һәрвакыт аяз һәм кояшлы булсын!