Яңа Юл авыл клубының иҗат коллективы «Газовик» шифаханә-профилакториесында концерт белән кунакта булды

Тамашачылар игътибарына төрле жанрлы музыкаль номерлар күрсәтелде. Җыр башкаручылар үзләренең искиткеч талантларын күрсәттеләр. Тамашачылар шулай ук сәхнәне һәм Убырлы карчык чыгышын җылы каршылап, алкышларга күмделәр. Һәр номер кунакларны көчле хис-кичерешләр һәм башкаруның матурлыгы белән таң калдырды.

Урамда чарада катнашучыларга кайнар чәй, коймак һәм татлы камыр ризыклары белән өстәлләр әзерләнгән иде. Күңелле һәм дәртле музыка астында ял итүчеләр артистлар белән бергә җырладылар, биеделәр,әйлән-бәйлән уйнадылар. Бик теләп Убырлы карчык белән фотога төштеләр.

Тамашачылар үзешчән артистларның музыкаль номерларын алкышлар белән каршы алдылар, ә тәмамлангач, рәхмәт сүзләре җиткерделәр.

Чарада катнашкан өчен үзешчән артистлар коллективы шифаханә табибының Рәхмәт хаты  белән бүләкләнде.