Бүген иң әдәпле бәйрәмнәрнең берсе - Халыкара «Рәхмәт» көне билгеләп үтелә!
Әлеге бөтендөнья бәйрәме интернетның рәсми бәйрәмнәре исемлегенә кертелгән. Аны ЮНЕСКО һәм Берләшкән Милләтләр Оешмасы вәкилләре башка көннәр арасында «Иң илтифатлы көн» буларак билгеләгәннәр. Чыннан да, телебездә «Рәхмәт»тән дә ешрак әйтелә торган абруйлы, дәрәҗәле сүз юк. Аны әйтергә сәбәп чыккан саен кабатлыйбыз.
Үз-үзеңне әдәпле тотарга кирәклеге турында без инде бәләкәйдән үк беләбез. Ләкин ул сүзнең чын мәгънәсендә сихри көчкә ия булуы күренеп тора - кешеләр ул сүзләр аша бер-берсенә шатлык бүләк итәләр, игътибарлы икәннәрен күрсәтәләр һәм күңелләрдә яхшы тойгылар гына уяталар. "Рәхмәт" сүзе гарәпчәдән килгән һәм "аяу", "кичерү" "мәрхәмәт итү" дип , яисә яхшылыкка җавап итеп әйтелә торган сүз итеп аңлатыла)
Мәмәтхуҗа авылы мәдәният йортында Бөтендөнья “Рәхмәт” көненә багышланган “Игелеклелек патшалыгында” дигән викторина узды. Балалар "рәхмәт" һәм "игелек телим" сүзләренең аңлатмаларын белделәр, бәйрәмнең барлыкка килү тарихы белән таныштылар, борынгы заманнарда ата-бабаларның "рәхмәт" сүзе дөнья халыкларының төрле телләрендә яңгыравы белән таныштылар.
Катнашучылар мавыктыргыч уеннарда катнаштылар: «Сүзләрне әйтеп бетер», «Әдәпле һәм әдәпсез», төрле табышмакларга җаваплар эзләделәр. Балалар "Рәхмәт" дигән әдәплелек һәм искиткеч сүз турында үз фикерләрен әйттеләр.
Дөньяда бер рәхмәтнең мең бәладән коткара алырга сәләтле булуын онытырга һич ярамый. Әйдәгез без дә бер-беребезгә "җылы сүзләр" генә әйтик. Салкын кышкы көннәрдә бер-беребезнең җаннарыбызга җылы өләшик!
Следите за самым важным и интересным в Telegram-каналеТатмедиа
Нет комментариев