Балалар китапханәсендә Халыкара тынычлык көненә багышланган күргәзмә ачылды

Дөньяның иң танылган символларының берсе - күгәрчен. Бу символ Икенче бөтендөнья сугышыннан соң барлыкка килгән. 1949 елда узган  беренче бөтендөнья конгрессы өчен "тынычлык күгәрчене" эмблемасын Пабло Пикассо ясаган. Эмблемада томшыгында зәйтүн ботагы тотучы ак күгәрчен сурәтләнгән. 

Бу көнне район балалар китапханәсе укучылары игътибарына “Безнең көч бердәмлек һәм дуслыкта!” дигән китап күргәзмәсе тәкъдим итә. Күргәзмәдә укучылар алдына толерантлыкның нәрсә икәнен, безнең белән бергә нинди халыклар яшәвен күрсәткән китаплар куелган. Бер-береңә яхшы мөнәсәбәттә булу һәм дуслыкны бәяләү, сабыр һәм әдәпле булырга балаларга дөнья халыклары әкиятләре һәм сәнгать әдәбияты китаплары ярдәм итәчәк.