Аномаль эссе һава торышы уңаеннан Гадәттән тыш хәлләр министрлыгында янгын куркынычсызлыгын саклау турында искә төшерделәр

Яз башыннан район янгын сүндерүчеләре 20 тапкырдан артык үлән һәм чүп-чарны сүндерүгә бардылар. Мондый янгынның һәр факты зур янгын куркынычы гына китереп чыгармый, шул ук вакытта ут төртүчеләр өчен җаваплылыкка җәлеп итү белән дә яный.

"Ел башыннан бирле район территориясендә кипкән үләннәр янгынның 15 очрагы һәм чүп-чар януның 6 факты булды. Әлеге фактлар буенча 6 граждан административ җаваплылыкка тартылган, 9 янгын куркынычсызлыгы таләпләрен бозу турында күрсәтмә-кисәтү чыгарылган", - дип хәбәр итте Югары Ослан районы буенча күзәтчелек эшчәнлеге һәм профилактика эшләре бүлеге җитәкчесе Ленар Мәрдегалимов.

Ул шулай ук гражданнарның игътибарын үләннәрне яндыруны контрольдә тотарга кирәклеген искә төшерде. Коры үләннәрнең  контрольсез януы бик ерак араларга тарала һәм урман янгыннары куркынычын артттыра һәм утның торак йортларга һәм йорт яны корылмаларына таралуы арта.

 "Хөрмәтле райондашлар, гади янгын куркынычсызлыгы кагыйдәләрен үтәвегезне үтенәбез. Коры үләнне яндырмагыз, куаклар, агачлар, корылмалар тирәсендә, чүп-чарны контрольсез яндырмагыз , учак якмагыз, балаларга шырпы белән шаярырга рөхсәт итмәгез һәм аларга үлән яндырырга рөхсәт итмәгез. Янгын чыккан очракта, әгәр сез утны мөстәкыйль рәвештә җиңә алмаячагыгызны аңлыйсыз икән, озакка сузмагыз һәм 112 хезмәтенә шалтыратыгыз", - дип мөрәҗәгать итте  Ленар Рәшид улы.

 Исегезгә төшерәбез, янгын куркынычсызлыгы кагыйдәләрен бозган өчен штрафлар бүгенге көнгә шактый зур. Мәсәлән, физик затка штраф 5-15 мең сум, вазыйфаи затка - 20-30 мең сум, юридик затлар һәм шәхси эшмәкәрләргә 40-400 мең сум тәшкил итәчәк. Урманнар һәм урман-парк урыннары янында ут белән уйнау өчен штрафлар тагын да югарырак. Ә корыган үләнне яндыру нәтиҗәсендә милекне юк иткән очракта, җинаять эше кузгатылырга һәм гаепле заттан зыянны тулы күләмдә түләттерергә мөмкин.