2024 елда үз көченә керә торган беренче кануннар

1 гыйнвардан Россиядә хезмәт өчен түләүнең минималь күләме 18,5%ка артачак. Үзгәрешләр 5 млн гражданның хезмәт хакы арту гына түгел, күп кенә пособиеләрнең күләме дә, шул исәптән вакытлыча эшкә яраксызлык, йөклелек һәм бала табу буенча түләүләргә дә кагылачак.

Эшләмәүче пенсионерларның пенсияләре 7,5%ка артачак.

Шулай ук бала ел ярым тулганнан соң эшкә чыккан ата-аналар өчен, аны карау буенча пособие түләүне саклап калаячаклар. Шул рәвешле, түләү мондый гаиләләр өчен өстәмә ярдәм булачак. 

Моннан тыш, кайбер башка законнар үз көченә керә:

• яңа тормыш таләпләрен исәпкә алып дәүләт ярдәме чараларын системалаштыручы мәшгульлек турында;
• ана капиталына кагылышлы кайбер үзгәрешләр: аны алучыларның исемлеген (ата-аналар Россия гражданлыгы белән, шулай ук яңа регионнарда яшәүчеләр) төгәлләштерү, аларга кулланырга мөмкин булган максатлар, шулай ук 1 февральдә булачак индексация;
• кредит каникуллары алуны вакытка карамаган хокук турында;
• НДФЛдан түләүләрне азат итү турында;
• балалар товарлары өчен ташламалы НДС ставкасы турында;
• социаль һәм иминият пенсияләрен гаризасыз  бирү турында;
• социаль һәм салым ташламаларын арттыру турында.