“Заря”да киләсе уңышка әзерлек бара

Язгы агачларны кисү - бакчаны җимеш бирүгә әзерләүнең мөһим этабы. Аны агачлар әле тыныч хәлдә булганда, салкыннар чигенгән вакытта үткәрәләр. Тәҗрибәсез бакчачылар өчен төп кагыйдәләрне үтәү һәм агачларның төрле сортларының үзенчәлекләрен исәпкә алу мөһим. Иң кулай вакыт - иртә яз, бөреләр уянганчы һәм агачларда сок хәрәкәте активлаша башлаганчы. Һава температурасы 0°С - +5°С аралыгында булырга тиеш. Алмагачларның кәүсәләре, сок хәрәкәт итә башлагач, куе кызыл төскә кергән икән - бу кисүне үткәрергә соң инде дигән сигнал.

Эш өчен идеаль һава торышы - плюс температурада җилсез аяз көн. -5°C та да эшләргә була, яңгыр вакытында алмагачларны кисәргә ярамый, чөнки бу агачның зарарлану куркынычын арттыра. Даими рәвештә язгы кисүләрсез агач әкренләп куера, җимешләре ваклана һәм өске өлешкә таба авыша. Әгәр дә ел саен алмагачларны карт ботаклардан сирәкләмәсәң, үзәктә үрентеләр барлыкка килә, алар җимеш бирми һәм туклануны гына ала.

Язын бакчада җентекләп эшләү алмагачларның торышын җәй көне генә түгел, еллар буена да җиңеләйтә. Даими кисү вакытында берничә елдан соң ябалдашның артык куеруына каршы көрәшергә туры килмәячәк. Ә җимешләр ел саен җитәрлек кояш яктысы алачак, шуңа да алар сусыл һәм тәмле булып үсәчәк.