Вахит авыл мәдәният йортында беренче маскировка челтәрен үреп бетерделәр. Халык әйткәнчә - «Күзләр курка, ә куллар эшли!».
Авылның битараф булмаган кешеләре ярдәмендә Вахит авыл мәдәният йортында беренче маскировка челтәрен үреп бетерделәр һәм икенче челтәргә башлангыч куйдылар. Яңа елга кадәр әлеге челтәрләр МХОда катнашучы егетләргә җибәреләчәк. Яхшы күңелле, уңай хис-кичерешләр һәм кайгыртучан куллар белән халыкның тырышып эшләве мөһим һәм кирәкле нәтиҗә бирә.
Изге эшне оештыручылар җиңүне якынайтырга ярдәм итүчеләргә зур рәхмәтләрен белдерә. - Безнең яклаучыларыбыз белсеннәр, без аларга ярдәм итәбез һәм аларны дошман яуыннан саклау өчен кулдан килгәннең барысын да эшлибез! Маскировка челтәрләрен әзерләүдә катнашырга теләүчеләрне Вахит авыл мәдәният йортына чакырабыз. Әйдәгез бергәләп Җиңү челтәрен булдырыйк!, - дип мөрәҗәгать итәләр алар авылдашларына.
Эш беткәч, мөдир Гөлназ Фәттахова җыелганнарны «Тукайны бергәләп укыйбыз» дигән шигъри сәгатькә чакырды. Ул Габдулла Тукай тормышының һәм иҗатының төп этаплары, аның милли әдәбиятта нинди эз калдыруы турында сөйләде. Чара "Тукайны өйрәнү" республика проекты кысаларында узды, Габдулла Тукайның "Төш" шигырен кычкырып укыдылар. Шигъри сәгать шигырьләр уку гына түгел, ә Тукай мирасы белән җылы очрашуга әверелде - туган телнең көчен һәм әдәбиятка мәхәббәтне буыннан-буынга тапшыруның мөһимлеген искә төшерде.
Очрашу җылы, уңайлы шартларда хуш исле үлән чәе өстәле артында күңелле әңгәмә белән тәмамланды.
Нет комментариев