Вахитта «Россия – минем Ватаным» патриотик сәгате узды
12 июньдә илебез мөһим дәүләт бәйрәмен - Россия көнен билгеләп үтте. Бу көн милли бердәмлек, ирек, тынычлык һәм татулык, Ватаныбызның бүгенгесе һәм киләчәге өчен уртак җаваплылык символы булып тора.
Һәр кеше үзенең башлангычын белергә, үз халкының үткәнен искә алырга, Ватанны яратырга тиеш.
Россия көне алдыннан Вахит мәдәният йортында авыл китапханәсе белән берлектә «Россия – минем Ватаным» дигән темага балалар өчен патриотик сәгать үткәрелде. Мәдәният йорты мөдире Гөлназ Фәттахова балаларга бәйрәмнең барлыкка килү тарихы, Ватан тарихының бөек битләре, аны тудырган һәм куркыныч сәгатьтә саклаган кешеләр, Ватаныбыз белән горурланулары турында сөйләде.
Чара барышында балалар илебез символларын искә төшерделәр, төсле кәгазьдән Россия флагы ясадылар. Викторина сорауларына җавап биреп, балалар Россия символлары һәм тарихы турында үзләренең яхшы белемнәрен күрсәттеләр. Шулай ук Ватаныбыз, илебезне яратучы һәм горурланучы халык турында җырлар һәм шигырьләр яңгырады.
Чара азагында балалар Россия турындагы китаплар белән таныштылар.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Читай «Волжскую новь» в Телеграм, Вконтакте, Одноклассники, Дзен
Нет комментариев