Авыл китапханәсендә «Бөтен гаилә белән китапханәгә» дигән акция үткәрелде.
Аның максаты – гаилә белән уку традицияләрен яңарту, балаларны һәм ата-аналарны китапханәгә җәлеп итү. Чарага китапны яратып укучы гаиләләр чакырылды. Китапханәче бергәләп уку игелекле, гаилә традициясе булырга мөмкин, гаилә әгъзалары арасында җылы атмосфера һәм ышанычлы мөнәсәбәтләр тудыруын сөйләде, нәниләргә һәм яшүсмерләргә нинди китаплар укырга кирәклеген тәкъдим итте. Шулай ук балаларга әхлакый һәм рухи тәрбия бирү, гаиләне ныгыту процессында китап һәм уку мөһим роль уйный, дип ассызыклады.
Аннары кунаклар балалар әсәрләре, рус һәм татар язучыларының мавыктыргыч сәяхәтендә катнаштылар. Алар сорауларга җавап бирделәр һәм әкият геройлары турындагы табышмакларны чиштеләр. Укучылар шулай ук гаилә турындагы сорауларга җавап биреп, гаиләдә ихтирамлы мөнәсәбәтләр, җылы атмосфера булсын өчен нәрсә кирәклеге турында уйладылар. Балалар әниләре белән бергәләп табышмакларны чиштеләр, гаилә турында мәкальләр һәм әйтемнәр җыйдылар, «Өйдә тәртип урнаштыр», «Гаилә табышмаклары», «Сүз юкка гына әйтелми» конкурсларында катнаштылар.
Читай «Волжскую новь» в МАКС, Вконтакте, Одноклассники, Дзен, Телеграм,
Нет комментариев