Вахитта балалар тәртипле җәяүлеләр булырга өйрәнәләр

Вахит авыл китапханәсендә «Светофорның каникулы юк» дигән исем астында танып белү сәгате үткәрелде. Китапханәче сөйләвеннән балалар светофорның барлыкка килү тарихы һәм әлеге вакыйга белән бәйле кызыклы фактлар турында белделәр, шулай ук юл хәрәкәте кагыйдәләрен үтәүнең мөһимлеге турында сөйләштеләр. Чарада катнашучылар юл хәрәкәте кагыйдәләре турында шигырьләр тыңладылар һәм берничә турдан торган юл викторинасында актив катнаштылар: «Рөхсәт ителә – тыела», «Светофорның өч уты», «Билгене әйт».

Балалар юл хәрәкәтендә катнашучылар турындагы табышмакларны актив чиштеләр һәм урамнарны ничек кичүләре, аларга светофорның ничек ярдәм итүе турында сөйләделәр. Яшүсмерләргә юл билгеләрен тану бик ошады, ә нәни балалар автотранспорт сурәте төшерелгән пазлларны рәхәтләнеп җыйдылар.

Алынган мәгълүмат балаларга тәртипле җәяүлеләр булырга һәм юлда күңелсезлекләрдән котылырга ярдәм итәчәк. Балалар игътибарына "Светофор – ышанычлы ярдәмчебез" дигән тематик китап күргәзмәсе тәкъдим ителде, алар җәяүлеләрнең үз-үзләрен тоту кагыйдәләре турында сөйли, ә әдәби әсәрләр геройларының рәсемнәре һәм үрнәкләре юл хәрәкәте кагыйдәләрен үзләштерергә, юл билгеләре һәм аларның исемнәре белән танышырга ярдәм итә. Алынган мәгълүмат балаларга тәртипле җәяүлеләр булырга һәм юлдагы күңелсезлекләрдән тайпылырга ярдәм булачак.