Вахит китапханәсендә рәсемнәр күргәзмәсе оештырылды

Безнең ил Ватанны саклаучылар көнен тантаналы рәвештә билгеләп үтә. Бу көнне без туган җиребезне саклаучыларга, тыныч вакытта да авыр һәм җаваплы хезмәт алып баручыларга хөрмәт һәм рәхмәт белдерәбез. Без хаклы рәвештә илебез сагында торучыларыбыз белән горурлана алабыз.

Вахит авыл китапханәсендә «Ватанны саклаучылар» дигән рәсем күргәзмәсе оештырылды, анда «Йолдызкай» клубы балалары катнашты. Рәсемнәрдә балалар төрле хәрби һөнәрләр, хәрби техника, җир өсте, һава һәм су транспорты сурәтләнгән рәсемнәр күрсәттеләр. 23 февральгә балалар рәсеме - әтигә, бабайга яки абыйсына иң яхшы бүләк. Карандаш яки буяулар белән ясалган тематик иллюстрация яраткан ир-атларны тантаналы бәйрәмдә сөендерәчәк. Рәсемнәр төрле, якты һәм матур килеп чыкты. Балалар Ватаныбызны саклаучыларга рәсемнәре аша олы хөрмәтләрен белдерделәр.  

Мондый чаралар Ватанны саклаучыларга карата кызыксыну һәм ихтирам күрсәтү, балаларда Ватан тарихы белән кызыксыну тәрбияләү, шулай ук балаларга үзләренең иҗади сәләтләрен күрсәтү мөмкинлеген бирү максатында уздырыла.