Үзәк хастаханә 2024 елның эш нәтиҗәләре белән бүлеште

Югары Осланның барлык сәламәтлек саклау учреждениеләре, табиб амбулаторияләре һәм фельдшер-акушерлык пунктларын да кертеп, бүген интернетка тоташтырылган һәм электрон медицина документлары белән эшли.

Югары Ослан муниципаль районы башлыгы Евгений Варакин ярдәме белән 2024 нче ел ахырында яңа җиһазлар сатып алынган һәм авыруларны идентификацияләү чаралары кертелгән. 

Узган ел нәтиҗәләре буенча районда гомуми үлүчеләр саны 1000 кешегә 14,3 тәшкил иткән, бу хәтта ковидка кадәрге 2019 елга караганда да түбәнрәк. Бер ел эчендә 2023 елга караганда 18 кешегә кимрәк үлгән. 2024 елга максатчан күрсәткеч (1000 кешегә 14,5) уңышлы үтәлгән. Үлемне киметүнең төп факторы профилактик медицина тикшерүләрен һәм диспансеризацияне актив үткәрү.

Үзәк хастаханәнең баш табибы Сергей Мишакин мәгълүматлары буенча, 2024 елда диспансеризация буенча план 101% ка үтәлгән. Барлыгы 6448 кеше тикшерелгән, аларда 953 авыру ачыкланган, шул исәптән 18 шикәр чире, 136 йөрәк-кан тамырлары авыруы һәм 8 яман шеш. Пациентларны диспансер күзәтүенә кую планы шулай ук 100% ка үтәлгән.