Үзәк район китапханәсендә Корбан бәйрәменә багышланган күргәзмә оештырылган

Корбан гаете - сүзгә-сүз "Корбан бәйрәме" дип тәрҗемә ителә. Ул изге Рамазан ае тәмамлануга 70 көн үткәч, бөтен дөнья мөселманнары тарафыннан билгеләп үтелә. Корбан гаете  -  корбан чалу көне.

Бу көнгә Үзәк район китапханәсендә “Корбан - якты нурлар бәйрәме” дигән тематик күргәзмә дә оештырылды. Китап укучылар игътибарына бәйрәм тарихы, аның төп законнары, йолалары һәм гореф-гадәтләре  белән таныштыручы әдәбият тәкъдим ителгән. Шулай ук күргәзмәдә гаиләдә ир һәм хатынның хокук һәм бурычлары, җенесләр арасындагы мөнәсәбәтләрнең һәм никахның төп мәсьәләләре, балаларны тәрбияләү проблемалары, буыннар арасындагы үзара мөнәсәбәтләр - өлкәннәрне хөрмәт итү чагылган  китаплар белән танышырга була.