Үзәк китапханәдә Гаилә елына багышланган күргәзмә ачылды

Гаилә елы кысаларында Үзәк район китапханәсендә “Сүнмәсен гаилә учагы” дигән китап күргәзмәсе ачылды. 

Күргәзмәдә тәкъдим ителгән китаплар гаиләнең хәзерге җәмгыятьтәге роле, гаилә бәхете төзү принциплары, ата-аналарның һәм балаларның үзара мөнәсәбәте турында сөйлиләр, гаиләне һәм гаилә традицияләрен саклау, балаларны тәрбияләү, сәламәт яшәү рәвеше, актив гаилә ялы буенча тәкъдимнәр бирәләр. Күргәзмәдә шулай ук сәнгать әдәбияты да тәкъдим ителгән, ул китап белән вакытны файдалы итеп үткәрергә мөмкинлек бирәчәк.