Түбән Осланда умырзая чәчәге белән таныштылар

Түбән Ослан балалар бакчасының төрле яшьтәге өлкән төркеме балалары бу матур, нәфис һәм гаҗәеп чыдам чәчәк белән якыннан таныштылар. Балалар аның табигатьтә барлыкка килү вакыты аркасында шундый исем алуын искә төшерделәр, чөнки умырзая иртә язның беренче чәчәге һәм кар астыннан диярлек үтеп чыга. Умырзаялар турындагы риваятьләрдән, әкиятләрдән һәм тарихлардан балалар аларның төрле формада һәм төсләрдә булуын белделәр.

Хәзерге вакытта умырзаяларның күпчелек төрләре Кызыл китапка юкка чыга торган төр буларак кертелгән, шуңа күрә бу чәчәкләрне урманда өзәргә ярамый, аларны сакларга кирәк, бәйрәм шуның турында искә төшерә дә.

Әлеге  гүзәл чәчәкләргә сокланып, балалар аппликацияләр ясадылар һәм табигать дөньясына һәм тулаем әйләнә-тирә дөньяга сакчыл карарга вәгъдә иттеләр.