Тавыкларыгызга витамин әзерлисезме?
Кышын тавыкларга бөртекле азыкны үрдереп бирергә була, ул кошларга бик файдалы.
Солы, арпа һәм бодайны үрдерергә мөмкин.
Микроблар калмасын өчен савытны яхшылап юарга кирәк, марганцовканың алсу өремәсе белән чайкарга. Бөртекләрне савытка салырга һәм салкынча (15 градустан салкынрак булмаган) су агызырга. Су бөртекләрдән 2 см га өстәрәк булырга тиеш. Иң яхшысы – кичтән су агызып калдыру. Иртән (12 сәгатьтән соң) бөртекләрне капчыкка тутырып, савытка саркытырга куегыз. Суын түгеп, капчыкны җылы урынга яткырып куегыз. Аның биеклеге 5 см дан артмаска тиеш, югыйсә ашлык кыза һәм бозыла башлый.
Бөртекләрне 3 тәүлектән артык үрдермиләр, шытымнар 3 мм тирәсе булырга тиеш. Үрдерелгән бөртекләрдә А витамины күп, ул тавыкларның йомырка салуын арттыра, иммунитетын ныгыта.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Читай «Волжскую новь» в Телеграм, Вконтакте, Одноклассники, Дзен
Нет комментариев