Татарстанда минималь хезмәт хакы артты

Татарстанда 2026 елга халыкның төп социаль-демографик төркемнәре буенча яшәү минимумы күләме расланды:

эшкә яраклы халык өчен - 17 547 сум

балалар өчен - 15 615 сум

пенсионерлар өчен - 13 844 сум

Республикада 1 гыйнвардан җан башына яшәү минимумы күләме 16 098 сум тәшкил итә.

Исегезгә төшерәбез, яшәү минимумы социаль ярдәмнең теге яки бу чараларын билгеләгәндә мохтаҗлык критерие буларак кулланыла.

Федераль законнар нигезендә 2026 елның 1 гыйнварыннан хезмәт өчен түләүнең минималь күләме 27 093 сум тәшкил итә.

Татарстанда шулай ук Татарстан Республикасы Профсоюзлар федерациясе, Татарстан Республикасы эш бирүчеләр берләшмәләренең координация советы, Татарстан Республикасы Министрлар Кабинеты арасында Татарстанда минималь хезмәт хакы турында килешү төзелгән, аның нигезендә 2026 елның 1 гыйнварыннан республика икътисадының бюджеттан тыш секторы оешмаларында минималь хезмәт хакы 28 160 сум тәшкил итә.