Татарстанда яңа өйләнүчеләргә ярдәм программасы каралган

Республика яшь гаиләләргә ярдәм итүнең яңа программасын башлап җибәрә. 100 мең сум күләмендәге махсус грант парларга онытылмаслык туй тантанасын оештырырга ярдәм итәчәк.

Инициативаны Татарстан Яшьләр эшләре буенча министрның беренче урынбасары Софья Галиева-Мостафина тәкъдим итте.

"Без яшь парлар белән бер дулкында булырга телибез - беренче очрашудан алып гаилә коруга кадәр, — дип билгеләде министр урынбасары. - Республика Рәисе Рөстәм Миңнеханов әлеге проектны тулысынча хуплый. Туйга үзем әзерләнгән кеше буларак, мин мондый мөһим вакыйганың күпме ресурс таләп итүен аңлыйм".

Программада булачак ир белән хатын 35 яшьтән кечерәк булган һәм Татарстанда кимендә өч ел яшәгән парлар катнаша ала. 2025 елда 80 гаиләгә ярдәм итү планлаштырыла. Гаризаны рәсмиләштерү өчен ТР Дәүләт хезмәтләре порталында форма тутырырга, иҗади видеопрезентация куярга һәм кыскача әңгәмә узарга кирәк булачак.

Программа бәйрәмне оештыруда ярдәм итеп кенә калмыйча, республикада гаилә кыйммәтләренең әһәмиятен дә ассызыклауга юнәлдерелгән. Яшь парлар беренче түләүләрне быел ук ала башлаячак.